“Lokomotiv” bosh murabbiy Server Jeparovni iste’foga chiqardi. Bu haqida jamoa matbuot xizmati ma’lum qildi.
Superliganing 22-turidan o‘rin olgan “Lokomotiv”—“Olimpik” uchrashuvidan so‘ng (1:2) rahbariyat murabbiyni iste’foga chiqarishga qaror qildi.
Superliganing qolgan 4 turida “temiryo‘lchilar”ga Mirko Yelichich boshchilik qiladi.
Jeparov iste’foga chiqarildi, "Lokomotiv"ni chempionatning qolgan 4 o‘yinida Mirko Yelichich boshqaradi. Avstraliyalik mutaxassis iltimosiga ko‘ra Denis Korostichenko ham murabbiylar shtabiga qaytadi va Yelichichga yaqindan yordam beradi.
“Lokomotiv”ni oldinda “Paxtakor”, “Navbahor”, “So‘g‘diyona” va “Metallurg”ga qarshi o‘yinlar kutib turibdi. Poytaxtliklar 22 turdan so‘ng 20 ochko bilan 11-pog‘onadan bormoqda.
Jeparov avgust oyida Korostichenkoning o‘rniga bosh murabbiy etib tayinlangan edi.
Ma’lumot uchun Server futbolchilik faoliyati davomida O‘zbekistonning “Navbahor”, “Paxtakor”, “Bunyodkor”, “Lokomotiv”, “Metallurg”, Janubiy Koreyaning “Seul”, “Seongnam”, “Ulsan”, Saudiya Arabistonining “Ash-Shabab”, Eron chempionatining “Istiqlol”, “Sepaxon” va Qozog‘istonning “Jetisu” klublarida to‘p surgan.
Izoh (0)