«Локомотив» бош мураббий Сервер Жепаровни истеъфога чиқарди. Бу ҳақида жамоа матбуот хизмати маълум қилди.
Суперлиганинг 22-туридан ўрин олган «Локомотив»—«Олимпик» учрашувидан сўнг (1:2) раҳбарият мураббийни истеъфога чиқаришга қарор қилди.
Суперлиганинг қолган 4 турида «темир йўлчилар»га Мирко Еличич бошчилик қилади.
Жепаров истеъфога чиқарилди, "Локомотив"ни чемпионатнинг қолган 4 ўйинида Мирко Еличич бошқаради. Австралиялик мутахассис илтимосига кўра Денис Коростиченко ҳам мураббийлар штабига қайтади ва Еличичга яқиндан ёрдам беради.
«Локомотив»ни олдинда «Пахтакор», «Навбаҳор», «Сўғдиёна» ва «Металлург»га қарши ўйинлар кутиб турибди. Пойтахтликлар 22 турдан сўнг 20 очко билан 11-поғонадан бормоқда.
Жепаров август ойида Коростиченконинг ўрнига бош мураббий этиб тайинланган эди.
Маълумот учун Сервер футболчилик фаолияти давомида Ўзбекистоннинг «Навбаҳор», «Пахтакор», «Бунёдкор», «Локомотив», «Металлург», Жанубий Кореянинг «Сеул», «Сеонгнам», «Улсан», Саудия Арабистонининг «Аш-Шабаб», Эрон чемпионатининг «Истиқлол», «Сепахон» ва Қозоғистоннинг «Жетису» клубларида тўп сурган.
Изоҳ (0)