Farg‘onada sex ishchisi bunker bosib qolishi oqibatida halok bo‘ldi

Farg‘ona viloyatida joylashgan “Indorama Kokand Fertilizers and Chemicals” AJda xodim baxtsiz hodisa sabab halok bo‘ldi. Bu haqda “O‘zkimyosanoat” axborot xizmati xabar berdi.

Unga ko‘ra, 17-oktabr kuni soat 11:10 da “Indorama Kokand Fertilizers and Chemicals” AJ hamda “Metall Universal 777” MCHJ o‘rtasida tuzilgan shartnomaga asosan korxona hududida, jumladan, qadoqlash sexida qurilish-montaj ishlari amalga oshirilgan. Jarayonda o‘g‘it qadoqlash uskunasi bunkeri ostida metall konstruksiya qismlarini o‘rnatish jarayonida tayanchlar kesilishi oqibatida bunker qulab tushgan.

Oqibatda “Metall Universal 777” MCHJ ishchisi qulab tushgan bunker ostida qolib, vafot etgan. Hozirda dastlabki ekspertiza va tergovga qadar tekshiruv harakatlari olib borilmoqda.

Mavzuga doir:

• Jizzaxda ichki ishlar xodimi “Paxta-2022” nazorat-tekshiruv postiga tungi xizmatga ketayotgan vaqtda jarlikka qulab vafot etdi
• Qashqadaryoda tuman elektr tarmoqlari korxonasi xodimi tok urishi oqibatida vafot etdi