Bugun,

  • USD 11095.31
  • RUB 173.84
  • EUR 10772.44

Buxoro va Toshkent viloyatlarida 2030-yilgacha chiqindilar hosil bo‘lishini 2 baravarga qisqartirish rejalashtirilgan. Bu haqda Senat raisi Tanzila Norboyeva parlament komissiyasi yig‘ilishida ma’lum qildi, deya xabar bermoqda “Daryo” muxbiri.

Tanzila Norboyeva

Tanzila Norboyeva
Foto: “Daryo”

Tanzila Norboyevaning ta’kidlashicha, hozirda Buxoro va Toshkent viloyatlarida bor-yo‘g‘i 10-15 foiz chiqindi qayta ishlanadi.

Chiqindilar hosil bo‘lishining oldini olish, qayta ishlash va takroriy foydalanish bo‘yicha choralarni qabul qilish orqali ularning hajmini 2030-yilgacha ikki baravarga qisqartirish yuzasidan Buxoro va Toshkent viloyatlarida olib borilayotgan ishlarni o‘rganish shuni ko‘rsatdiki, amalga oshirilgan ijobiy ishlar bilan birga, sohada mavjud ko‘plab muammo va kamchiliklar saqlanib qolmoqda.

Xususan, “Chiqindilar to‘g‘risida”gi qonunning 11-moddasida mahalliy davlat hokimiyati organlariga chiqindi bilan bog‘liq ishlarni amalga oshirishga oid mahalliy dasturlarni tasdiqlash vakolati berilgan bo‘lsa-da, Buxoro va Toshkent viloyatida bunday dasturlar ishlab chiqilmagan va tasdiqlanmagan. Ikkilamchi xomashyoni qabul qilish shoxobchalari Buxoro viloyatida 20 ta, Toshkent viloyatida esa 21 ta noqonuniy faoliyat yuritmoqda. Shu bilan birga, xizmat uchun zamonaviy to‘lov tizim amaliyotga joriy etilmagani bois Buxoro viloyatida 25,8 milliard so‘m, Toshkent viloyatida 44 milliard so‘m aholining debitor qarzdorligi yuzaga kelgan.

O‘rganishlar natijasida aniqlanishicha, chiqindilarni yig‘ish, saralash, qayta ishlash va utilizatsiya qilish ahvoli qoniqarli holatda emas. Deyarli barcha viloyatlar, jumladan, Buxoro va Toshkent viloyatlarida ham chiqindilarning bor-yo‘g‘i 10-15 foizi qayta ishlanmoqda, – dedi Senat raisi.

Shuningdek, majlisda qayta ishlanmaydigan chiqindilar – biologik chiqindilar, kanalizatsiya va maishiy oqava suvlar bilan bog‘liq muammolar, maishiy oqava suvlardan taralayotgan yoqimsiz hid tufayli aholi vakillari tomonidan asosli e’tirozlar bo‘layotgani aytildi. Bu muammolarni hal qilish bo‘yicha takliflar bildirildi.

Izoh
Asosiy yangiliklar
Mahalliy
“Hozir barcha kuchlarni aholiga gaz yetkazib berishga safarbar qilganmiz” — “Hududgazta’minot” rahbari
Salomatlik
Bayramgacha tezda vazn yo‘qotamiz: parhezshunosdan maslahatlar
Sport
Braziliya yetakchi, Fransiya — 2, Argentina 5-o‘rinda. The Guardian JCH—2022 favoritlari ro‘yxatini e’lon qildi