Nukus tumani hokimining moliya-iqtisodiyot va kambag‘allikni qisqartirish masalalari bo‘yicha birinchi o‘rinbosari Aydos Zarikeyev lavozimidan ozod etildi, deya xabar berdi “Daryo” muxbiri.
“Daryo”ga ma’lum bo‘lishicha, Aydos Zarikeyev Jo‘qorg‘i Kenges raisining shu yil 3-oktabr kunidagi farmoyishi bilan ishdan olingan. Bu haqda Xalq deputatlari Nukus tumani kengashining 56-sessiyasida qaror ham qabul qilingan.
Hokim o‘rinbosarining nima sababdan ishdan olingani haqida hozircha rasmiy ma’lumot berilmadi. “Daryo” manbasiga ko‘ra, u hokim yordamchilari faoliyatidagi xato-kamchiliklar sabab lavozimidan ozod etilgan bo‘lishi mumkin.
Eslatib o‘tamiz, Aydos Zarikeyev ushbu lavozimda 2020-yilning iyul oyidan beri faoliyat yuritib kelayotgandi.
Izoh (0)