Vazirlar Mahkamasi qaroriga ko‘ra, Jo‘rabek Mirzamahmudov Energetika vazirligi huzuridagi “O‘zatom” agentligi bosh direktori vazifasini bajarish yuklatilgani bekor qilindi.
Bu uning 2022-yil 29-sentabr kuni energetika vaziri lavozimiga tasdiqlanishi bilan bog‘liq.
Qayd etilishicha, prezident farmoni bilan Jo‘rabek Tursunpo‘latovich Mirzamahmudov bosh vazirning yoqilg‘i-energetika va kimyo sohalarini rivojlantirish bo‘yicha o‘rinbosari — energetika vaziri lavozimiga tasdiqlangan. Mirzamahmudov “boshqa ishga o‘tgani sabab” energetika vazirining birinchi o‘rinbosari lavozimidan 2020-yil 3-noyabrda ozod etilgandi.
Izoh (0)