Европа газ омборларини 90 фоизга тўлдирди

Gas Infrastructure Europe маълумотларига кўра, Европадаги газ омборлари 90 фоиздан ортиқ тўлган. 

Европанинг саккизта давлатидаги газ омборлари 90 фоиздан ошди. Энг кўп тўлдирилган газ омборлари Португалия, Хорватия, Дания, Франция, Германия, Италия, Нидерландия, Польша, Испания ва Швецияда.

Латвиядаги Incukalns UGS объектидаги газ захиралари Европа Иттифоқи мамлакатлари орасида энг паст даражада — 53 фоиз. 

Ушбу омбор Латвия, Литва, Эстония ва Финляндияни захира газ билан таъминлаш учун жавобгардир. Португалия омборлари 100 фоиз тўлган.

Январь ойидан бери Россия газининг Европага етказиб бериш ҳажми йиллик ҳисобда 45 фоизга (45 миллиард куб метргача) камайди. 

Учинчи чоракда импорт 10 миллиард куб метрдан камроқни ташкил этди. Бу йиллик 70 фоизга қисқариш дегани. 

Норвегия Европа мамлакатларига экспорт ҳажмини йил бошидан 8 фоизга (6 миллиард куб метр), Озарбайжон 50 фоизга (2,5 миллиард куб метр) оширди. 

Европада Россия етказиб беришини муқобили сифатида асосий манба LNG импорти бўлиб, у 65 фоизга ўсди.