Toshkent viloyati Bekobod tumanidagi mahallada chiqindixona 15–20 kundan buyon yonayotgani, aholi tutundan aziyat chekayotgani aytilgan video e’lon qilindi. Tuman hokimligi axborot xizmati holat bo‘yicha ma’lumot berdi.
Ta’kidlanshicha, Bekobod tumani hokimligi ishchi guruhi videomurojaat yuzasidan vaziyatni joyiga chiqib o‘rgangan. Natijada mazkur chiqindi paligoni haqiqatdan ham mahalla hududida joylashgani va yonayotgani ma’lum bo‘lgan. Tutun bilan qoplangan maydonga tuman FVB xodimlari kelib, yong‘inni bartaraf etgan.
Ayni damda chiqindi maydoni rahbariga nisbatan tuman ekologiya bo‘limi va FVB tomonidan tegishli tartibda javobgarlikka tortish choralari ko‘rilmoqda.
Ma’lumot uchun, yo‘llangan murojaatda axlatxona 15–20 kundan beri yonib, aholi tutun ichida qolgani, hidlar xonadonlarga kirgani, ekalogiya bo‘limiga murojaat qilinsa ham, ammo natija yo‘q ekani bildirilgandi.
Izoh (0)