Bugun,

  • USD 11095.31
  • RUB 173.84
  • EUR 10772.44

Namanganda o‘quvchi o‘qituvchini kaltaklagani haqida xabar berilgan edi. Viloyat xalq ta’limi boshqarmasi axborot xizmatining ma’lum qilishicha, o‘qituvchisiga qo‘l ko‘targan o‘quvchining ota-onasiga chora ko‘rildi.

Foto: Videodan kadr

Foto: Videodan kadr

Kosonsoy tumani xalq ta’limi bo‘limiga qarashli 29-sonli maktabda 19-sentabr kuni sodir bo‘lgan voqea bo‘yicha o‘rganish ishlari olib borilgan. Ma’lum bo‘lishicha, ijtimoiy tarmoqlarda tarqalgan videodagi holat fizika darsida sodir etilgan.

Fizika fani o‘qituvchisi dars o‘tayotganda o‘quvchi o‘qituvchining dars o‘tishiga xalaqit bergan. Shunda o‘qituvchi o‘quvchini darsdan chiqarib, maktabning ma’naviy-ma’rifiy ishlar bo‘yicha direktor o‘rinbosariga suhbatlashish uchun topshirgan.

Biroz vaqt o‘tgandan so‘ng o‘quvchi sinf xonasiga qaytib kirgan va videoda aks etgani kabi o‘qituvchiga tashlangan. Sinfdagi boshqa o‘quvchilar ularni ajratishga harakat qilgan.

Holat yuzasidan tuman IIB bo‘limi va tuman xalq ta’limi bo‘limi xodimlari maktabda o‘rganish olib borgan va tegishli tartibda o‘quvchining ota-onasiga nisbatan Ma’muriy javobgarlik to‘g‘risidagi kodeksning 47-moddasi (bolalarni tarbiyalash va ularga ta’lim berish borasidagi majburiyatlarni bajarmaslik) 1-qismi bilan ma’muriy javobgarlikka tortildi.

Shuningdek, xalq ta’limi bo‘limi va maktab rahbarlariga o‘qituvchi va o‘quvchilar o‘rtasida o‘zaro hurmat va belgilangan tartib qoidalar asosida do‘stona munosabat o‘rnatilishini ta’minlash bo‘yicha tegishli ko‘rsatmalar berildi.

Izoh
Asosiy yangiliklar
Dunyo
Gaagada Ukrainaning Rossiyaga qarshi da’vosi yuzasidan tarixiy sud bo‘lib o‘tmoqda
Mahalliy
Toshkent viloyatida 5 yoshli bola kanalda oqib ketdi
Sport
“Yuventus” Superliga loyihasidan chiqishini e’lon qildi. Klubga UEFA bosim qilgani aytilmoqda