Тошкент вилояти Бекобод туманидаги маҳаллада чиқиндихона 15–20 кундан буён ёнаётгани, аҳоли тутундан азият чекаётгани айтилган видео эълон қилинди. Туман ҳокимлиги ахборот хизмати ҳолат бўйича маълумот берди.
Таъкидланшича, Бекобод тумани ҳокимлиги ишчи гуруҳи видеомурожаат юзасидан вазиятни жойига чиқиб ўрганган. Натижада мазкур чиқинди палигони ҳақиқатдан ҳам маҳалла ҳудудида жойлашгани ва ёнаётгани маълум бўлган. Тутун билан қопланган майдонга туман ФВБ ходимлари келиб, ёнғинни бартараф этган.
Айни дамда чиқинди майдони раҳбарига нисбатан туман экология бўлими ва ФВБ томонидан тегишли тартибда жавобгарликка тортиш чоралари кўрилмоқда.
Маълумот учун, йўлланган мурожаатда ахлатхона 15–20 кундан бери ёниб, аҳоли тутун ичида қолгани, ҳидлар хонадонларга киргани, экалогия бўлимига мурожаат қилинса ҳам, аммо натижа йўқ экани билдирилганди.
Изоҳ (0)