O‘zbekistonda yil yakunigacha 2 ming nafarga yaqin bemorda yuqori texnologiyali operatsiyalar o‘tkaziladi. Hozirgi kunda 24 ta ixtisoslashtirilgan tibbiyot markazi va joylarda ularning 269 ta filiali faoliyat ko‘rsatyapti, deb xabar bermoqda Sog‘liqni saqlash vazirligi matbuot xizmati.
Qayd etilishicha, mazkur muassasalar tomonidan 6000 dan ziyod tibbiy amaliyotlar o‘tkazish yo‘lga qo‘yilgan. Shundan 750 dan ortig‘ini viloyat, 150 dan ziyodini tuman darajasida bajarish o‘zlashtirildi.
Respublika ixtisoslashtirilgan tibbiyot markazlari tomonidan yilning o‘tgan 9 oyida:
- Tug‘ma yurak nuqsoni bo‘lgan 2505 nafar bolada jarrohlik amaliyoti o‘tkazildi. Bu 2021-yilga qiyoslaganda 700 dan ortiq ko‘rsatkichdir.
- Kichik yoshli bemorlardan 550 nafarida davolash amaliyotlari endovaskulyar yo‘l, ya’ni qon tomirlari orqali bajarildi.
- 344 nafar eshitish zaifligi va karlik mavjud bolalar koxlear implantatsiya amaliyoti bilan qamrab olindi.
- respublika bo‘yicha 178 ta buyrak transplantatsiyasi o‘tkazildi, shundan 34 tasi hududlarda bajariladi;
- 42 turdagi laparoskopik, torakoskopik va endovaskulyar jarrohlik usullari amaliyotga tatbiq etildi.
- 68 ta buyrak transplantatsiyasi;
- 2 mingga yaqin bemorlarda yuqori texnologiyali amaliyotlar bajariladi.
Izoh (0)