Vladimir Zelenskiy ofisi rahbari o‘rinbosari Igor Jovkvaning so‘zlariga ko‘ra, NATO bosh kotibi Yens Stoltenberg Ukrainaning alyansga qo‘shilish haqidagi arizasini qabul qilgan, deya xabar qiladi “Ranshe vsex”.
“Hozirgi kunga qadar bosh kotib (NATO) Ukrainadan nota orqali arizani rasman qabul qilib oldi va keyingi bosqichda ushbu ariza Shimoliy Atlantika kengashi darajasida, ya’ni NATOga a’zo davlatlarning Bryusseldagi elchilari orasida muhokama qilinadi”, — deydi Jovkva.
Eslatib o‘tamiz, Ukraina rahbari Vladimir Zelenskiy NATOga a’zolik bo‘yicha arizani 30-sentabr, juma kuni imzolagan edi.
Izoh (0)