Checheniston prezidenti Ramzan Qodirov o‘ziga nisbatan qo‘llanilgan qator sanksiyalarga Telegram kanali orqali istehzoli javob qaytardi.
Do‘stlar, so‘nggi sanksiyalarni hisobga olib, ulardan qanchasi menga qarshi ilgari surilganini sanab chiqishga qaror qildim. Men ularni hisoblashni ancha oldin to‘xtatgan edim. Mabodo, sanksiyalar bo‘yicha jahon rekordchini o‘rnatib va Ginnesning rekordlar kitobi muqovasida bo‘lsam-a?Mavzuga doir:Hisoblab chiqdim. 2011-yildan beri menga nisbatan kamida 70 ta, jumladan, oila a’zolarim, yaqin hamkorlarim (ular faqat men bilan aloqadorligi uchun taqiqqa uchragan), mulkim, otlarim va ularning yutug‘imdan tushgan daromadlari (ha, kulgili eshitiladi, lekin dastlabki sanksiyalar shunaqa edi), Ahmad-Hoji Qodirov nomidagi ROF va u bilan aloqada bo‘lgan tashkilotlar va hatto Instagram akkauntlarimga qarshi cheklovlar qo‘yilgan.
G‘arb suymaydigan Lukashenko va Bashar Asad bunday miqdor bilan “maqtana olmaydi”. Men hatto u haqida Gollivudda filmlar suratga olingan Shimoliy Koreya yetakchisidan ham o‘zib ketdim.
Hammasi bo‘lib menga qarshi 15 ta, oila a’zolarimga 10 ta, hamkasblarim va safdoshlarimga 28 ta, tashkilotlarga 9 ta, otlarga 4 ta va Instagram akkauntlariga qarshi 4 ta to‘g‘ridan-to‘g‘ri cheklov qo‘yilgan. Hozircha eslay olganlarim shular. Ishonchim komilki, ular aslida ko‘proq ham.
G‘arb 11 yildan ortiq vaqt davomida meni hamma narsadan mahrum etishga harakat qildi, lekin ko‘rib turganingizdek, hech narsa erisha olmadi. Ammo G‘arbning bunday ulkan mehnatini zoye qilmaslik kerak. Birinchidan, men Rossiya rekordlar kitobiga murojaat qilaman. U menga yaqinroq va azizroq. Va keyin, xorijiy siyosatchilar 11 yil davomida cheklovlarni bekorga o‘ylab topmaganliklarini his qilishlari uchun men Ginnesning rekordlar kitobiga yozilaman.
Aytgancha, ehtimol Gollivudda qo‘rqinchli Ramzan Qodirov haqida film suratga olishni xohlar? Bosh rolni o‘ynashga tayyorman.
Ramzan Qodirov, Checheniston rahbari
Izoh (0)