Чеченистон президенти Рамзан Қодиров ўзига нисбатан қўлланилган қатор санкцияларга Telegram канали орқали истеҳзоли жавоб қайтарди.
Дўстлар, сўнгги санкцияларни ҳисобга олиб, улардан қанчаси менга қарши илгари сурилганини санаб чиқишга қарор қилдим. Мен уларни ҳисоблашни анча олдин тўхтатган эдим. Мабодо, санкциялар бўйича жаҳон рекордчини ўрнатиб ва Гиннеснинг рекордлар китоби муқовасида бўлсам-а?Мавзуга доир:Ҳисоблаб чиқдим. 2011 йилдан бери менга нисбатан камида 70 та, жумладан, оила аъзоларим, яқин ҳамкорларим (улар фақат мен билан алоқадорлиги учун тақиққа учраган), мулким, отларим ва уларнинг ютуғимдан тушган даромадлари (ҳа, кулгили эшитилади, лекин дастлабки санкциялар шунақа эди), Аҳмад-Ҳожи Қодиров номидаги РОФ ва у билан алоқада бўлган ташкилотлар ва ҳатто Instagram аккаунтларимга қарши чекловлар қўйилган.
Ғарб суймайдиган Лукашенко ва Башар Асад бундай миқдор билан «мақтана олмайди». Мен ҳатто у ҳақида Голливудда фильмлар суратга олинган Шимолий Корея етакчисидан ҳам ўзиб кетдим.
Ҳаммаси бўлиб менга қарши 15 та, оила аъзоларимга 10 та, ҳамкасбларим ва сафдошларимга 28 та, ташкилотларга 9 та, отларга 4 та ва Instagram аккаунтларига қарши 4 та тўғридан-тўғри чеклов қўйилган. Ҳозирча эслай олганларим шулар. Ишончим комилки, улар аслида кўпроқ ҳам.
Ғарб 11 йилдан ортиқ вақт давомида мени ҳамма нарсадан маҳрум этишга ҳаракат қилди, лекин кўриб турганингиздек, ҳеч нарса эриша олмади. Аммо Ғарбнинг бундай улкан меҳнатини зое қилмаслик керак. Биринчидан, мен Россия рекордлар китобига мурожаат қиламан. У менга яқинроқ ва азизроқ. Ва кейин, хорижий сиёсатчилар 11 йил давомида чекловларни бекорга ўйлаб топмаганликларини ҳис қилишлари учун мен Гиннеснинг рекордлар китобига ёзиламан.
Айтганча, эҳтимол Голливудда қўрқинчли Рамзан Қодиров ҳақида фильм суратга олишни хоҳлар? Бош ролни ўйнашга тайёрман.
Рамзан Қодиров, Чеченистон раҳбари
Изоҳ (0)