Belarus prezidenti Aleksandr Lukashenko mamlakat qishloq xo‘jaligi yilini yakunlaydigan hosilni yig‘ishtirib olish va shu kabi ishlar uchun imkon qadar ko‘proq odamni jalb qilishi kerakligini ta’kidladi, deya xabar beradi Meduza.
“Qishloq xo‘jaligi va korxonalar uchun ulkan bozor ochildi. Biz Rossiyada, Xitoyda hamma narsani sotishimiz mumkin”, — dedi Lukashenko tuman ijroiya qo‘mitalari yangi tayinlangan rahbarlariga murojaat qilib.
Shuningdek, u qishloq xo‘jaligi mahsulotlarini, hukumat hisob-kitoblariga ko‘ra, ikki barobarga oshirish va “yaxshi narxlarda” sotish mumkinligini qo‘shimcha qildi.
Shunday ekan, qayerdagi sanksiyalar, qandaydir safarbarlik, urush yoki boshqa gap-so‘zlar qabul qilinmaydi. Unutinglar ularni.“Hamma yig‘im-terimga safarbar qilinsin”, — deb Lukashenko tuman ma’muriyatlari rahbarlariga murojaat qilib, mehnatga jalb qilinganlar orasida maktab o‘quvchilari ham borligini ta’kidladi.
“Agar kishi 5-6 soat ishga chiqsa, ota-onaning ikkalasi ham xursand bo‘ladi, bolaning jismoniy holati yaxshi bo‘ladi”, — dedi u.
“Biz hammamiz, siz ham, men ham ishladik. Shunchaki ishlamadik, balki qattiq mehnat qildik. Shunday qilib, talabalarni, ishchilarni, davlat xizmatchilarini va boshqa odamlarni bizga hamma narsani yig‘ib olishga yordam berish uchun safarbar qiling. Chunki biz munosib pul topishimiz mumkin. Hozir emas, bahorda shunday bo‘ladi”, — deydi Lukashenko.
Izoh (0)