Indoneziyaning Malang shahridagi futbol stadionida yuz bergan tartibsizliklarda kamida 127 kishi halok bo‘lib, yana 200 ga yaqin odam jabrlandi, deb xabar beradi Britaniyaning The Guardian gazetasi o‘z manbalariga tayanib.
BREAKING: More than 100 people died after a riot broke out at an Liga 1 football match between Arema and Persebaya at Kanjuruhan Stadium in Malang, Indonesia pic.twitter.com/YsDWQfbkRZ
— Insider Paper (@TheInsiderPaper) October 1, 2022
Halok bo‘lganlar orasida ikki nafar politsiya xodimi ham bor.
Tartibsizliklar futbol musobaqasida jamoalardan biri mag‘lub bo‘lganidan keyin boshlangan. Ikkala jamoa muxlislari ham maydonga yugurib chiqqan, ular orasida mushtlashuv boshlangan. Politsiya ko‘zni yoshlantiruvchi gaz qo‘llagan. Natijada stadionda sarosima v aur-yiqit boshlangan.
🚨#BREAKING: Football Association of #Indonesia confirms fatalities following riots after match at Kanjuruhan Stadium in Malang Regency; number of deaths unclear pic.twitter.com/U2EdQQGwWC
— World Source News 24/7 (@Worldsource24) October 1, 2022
Malang Sog‘liqni saqlash boshqarmasi boshlig‘i ma’lum qilishicha, o‘limlar yuzaga kelishiga “tartibsizlik, katta sonli odamlar to‘planishi va nafas qisishi” sabab bo‘lgan. Uning so‘zlariga ko‘ra, “120 dan ortiq odam halok bo‘lgan”, jabrlanganlar soniga aniqlik kiritilmoqda, ularning barchasi shahar kasalxonalariga joylashtirilgan.
Ta’kidlanishicha, futbol o‘yini Arema va Pesebeya klublari o‘rtasida bo‘lib o‘tgan, ulardan birinchisi 3:2 hisobida yutqazganidan keyin, muxlislar alamini olish uchun maydonga yugurib chiqqan.
Elshinta radiostansiyasi ma’lumotlariga ko‘ra, politsiya o‘t ochgan, dubinkalar qo‘llagan va ko‘zni yoshlantiruvchi gazli granatalar uloqtirgan. Qurbonlar orasida ayollar va bolalar ham ko‘pligi aytilmoqda.
Izoh (0)