Ostonada advokat Qozog‘iston Jinoyat kodeksining sakkiz moddasi, jumladan, respublika prezidenti Qosim-Jo‘mart To‘qayevga suiqasd uyushtirishga tayyorgarlik ko‘rish va davlatga xiyonat bo‘yicha aybdor deb topildi. Mahkumning ismi oshkor etilmagan.
Advokat 17 yilga ozodlikdan mahrum qilindi. Qaror 28-sentabr kuni Ostona jinoyat ishlari bo‘yicha ixtisoslashtirilgan tumanlararo sudi tomonidan yopiq sud majlisida qabul qilingan.
Advokat, shuningdek, quyidagi jinoyatlarda aybdor deb topildi:
- Yevrosiyo iqtisodiy ittifoqining bojxona chegarasi orqali o‘qotar qurollarni noqonuniy olib o‘tish;
- qurollarni noqonuniy sotib olish va saqlash;
- o‘q-dorilarni noqonuniy ishlab chiqarishga va terrorchilik aktiga tayyorgarlik ko‘rish;
- huquqni muhofaza qilish organlari xodimlari, davlat xizmatchilari va harbiylar hayotiga suiqasd uyushtirishga tayyorgarlik;
- giyohvand moddalarni noqonuniy sotib olish va saqlash.
Izoh (0)