Ijtimoiy tarmoqlarda Jizzax viloyatida haydovchi traktorida 14 ta tirkama bilan harakatlangani aks etgan video tarqalgandi. Holat yuzasidan viloyat yo‘l harakati xavfsizligi boshqarmasi axborot xizmati munosabat bildirdi.
Olib borilgan surishtiruv harakatlari davomida holat Jizzax viloyatining Sharof Rashidov tumani hududidan o‘tgan 4R38 Jizzax–Uchtepa–Navbahor avtomobil yo‘lida sodir bo‘lgani aniqlandi.
Jizzax viloyati Paxtakor tumani “Suvonobod” mahallasida yashovchi, 1990-yilda tug‘ilgan haydovchi “Belarus-80X” rusumli mexanik transport vositasi yordamida “Yo‘l harakati qoidalari”ni qo‘pol ravishda buzib, belgilangan me’yordan ortiqcha tirkamalar bilan harakatlangani ma’lum bo‘ldi.
Ushbu holat yuzasidan haydovchiga nisbatan tegishli tartibda ma’muriy bayonnoma rasmiylashtirildi.
Izoh (0)