Фарғонадаги Экошаҳар ҳудудида Япония компанияси томонидан меҳмонхона-резиденция, савдо-туризм мажмуаси ва япон боғидан иборат Mikado City мажмуаси қурилади. Бу ҳақда «Дарё» мухбири Азизжон Эрматов хабар берди.
Қайд этилишича, Фарғона вилояти ҳокими Хайрулло Бозоров япониялик ишбилармонлар делегациясини қабул қилган. Учрашувда мажмуа лойиҳаси муҳокама қилинган.
Лойиҳага кўра, янги мажмуадан япон саройлари меъморчилиги асосида бунёд этиладиган тўрт қаватли люкс меҳмонхона, 60 блокдан иборат савдо дўконлари ҳамда уларнинг уст қаватида жойлашадиган 60 та апартамент, япон боғи, бассейн, спа-салони, конференциялар зали ўрин олади.
Учрашувда Сансеи компанияси президенти Аказава Масаки Фарғонада икки босқичда амалга оширилиши режалаштирилаётган чиқиндини қайта ишлаш корхонаси лойиҳасини тақдим этган.
Қиймати 10 миллион доллар бўлган мазкур лойиҳанинг биринчи босқичида Экошаҳар ҳудудидаги чиқиндиларни ажратиш ва қайта ишлаш бўйича Япония технологиясига асосланган корхона ташкил этилади. Иккинчи босқичда чиқиндиларнинг қайта ишлаш мумкин бўлмаган қисмини ёқиш орқали электр энергияси ишлаб чиқаришни йўлга қўйиш режалаштирилган.
Маълумот учун, Фарғонада 300 гектар майдонда 40 минг аҳолига мўлжалланган Экошаҳар бунёд этилмоқда. Йўлдош шаҳарчадан 40 гектарли «Янги Ўзбекистон» боғи, 7—25 қаватли 313 та кўп қаватли турар жой ва ижтимоий объектлар ўрин ола
Изоҳ (0)