AQSh maktabida bir yil ta’lim olib, mezbon oila bilan bir yil davomida yashashni xohlaysizmi?

Amerikada do‘st orttirib, turli xil madaniy tadbirlarda ishtirok etishnichi?

Agar siz maktabda 9—10-sinfda o‘qisangiz va 2006-yil 15-iyuldan 2008-yil 15-iyul oralig‘ida tug‘ilgan bo‘lsangiz, unda FLEX dasturiga ariza topshirishingiz mumkin.

Ariza topshirish va dasturda ishtirok etish mutlaqo bepul!

Future Leaders Exchange – FLEX (kelajak liderlari almashinuvi) - notijorat madaniy almashinuv dasturi bo‘lib, u o‘rta maktabning yuqori sinflarida tahsil olayotgan o‘quvchilar uchun mo‘ljallangan. Dastur O‘zbekiston o‘quvchilariga AQSH maktablarida bir yil davomida bepul ta’lim olish imkoniyatini taqdim etadi.

FLEX dasturi AQSH Davlat Departamentining Ta’lim va Madaniyat ishlari byurosining madaniy almashinuv loyihasi hisoblanadi va AQSH hukumati tomonidan to‘liq moliyalashtiriladi. Dasturni O‘zbekistda Xalqaro Ta’lim bo‘yicha Amerika Kengashlari (American Councils) amalga oshiradi. Dasturning asosiy maqsadi AQSH fuqarolari va boshqa xalqlar va mamlakatlar o‘rtasidagi uzoq muddatli munosabatlarni rivojlantirish va mustahkamlashdan iborat.

29 yillik faoliyat davomida turli mamlakatlardan 29 mingdan ortiq o‘quvchilar FLEX dasturining ishtirokchisiga aylangan.

2023–2024 o‘quv yili uchun arizalarni qabul qilish 2-sentabrdan boshlangan va joriy yilning 13-oktabriga qadar davom etadi.

Arizalar http://ais.americancouncils.org/flex sayti orqali qabul qilinadi.

FLEX dasturida ishtirok etish barcha uchun ochiq va mutlaqo bepul, lekin ishtirokchilar belgilangan mezonlarga mos kelishlari va tanlovdan o‘tishlari lozim. Tanlovda imkoniyati cheklangan o‘quvchilar ham ishtirok etishlari mumkin. Har yili 20 ga yaqin imkoniyati cheklangan o‘quvchi FLEX dasturining g‘olibiga aylanadi. Ishtirokchi tanlov davomida faqat bir marta ariza topshirishi mumkin. Bir yilda ikki marta ariza topshirish mumkin emas.

Dasturda ishtirok etish uchun o‘quvchi quyidagi mezonlarga mos kelishi lozim:

1. Ishtirokchining yoshi va ta’lim olayotgan sinfi tanlov talablariga mos kelishi kerak. Nomzodlar 2006-yil 15-iyuldan 2008-yil 15-iyulgacha tug‘ilgan bo‘lishi va o‘rta ta’lim maktabining 9 va 10 - sinflarida yoki litsey/kollejning 1 bosqichida ta’lim olayotgan bo‘lishi lozim;
2. O‘zbekiston hududidagi o‘rta ta’lim maktabi, kollej yoki litseyga qabul qilingan bo‘lishi, shuningdek, ariza topshirayotgan vaqtda darslarga qatnashayotgan bo‘lishi lozim;
3. Faqatgina yaxshi va a’lo baholarda o‘qishi;
4. Ingliz tilini yaxshi darajada o‘zlashtirgan bo‘lishi va tanlov paytida egallagan bilimlarini ko‘rsatib bera olishi;
5. Amerika vizasi talablariga mos kelishi;
6. O‘zbekiston fuqaroligiga ega bo‘lishi.

FLEX dasturi bo‘yicha tanlov uchta qat’iy sinov boshqichlarini o‘z ichiga oladi.

1-bosqich: 2022-yil 2-sentabrdan 13-oktabrgacha ochiq shaklda o‘tkaziladi. Ushbu bosqich dastlabki onlayn ariza va 3 ta insho savollarini o‘z ichiga oladi. Ariza topshirish ochilganidan so‘ng 10 kun ichida taqdim etilishi lozim.

2-bosqich: 1-bosqich arizasi muvaffaqiyatli topshirilganidan keyin o‘quvchilar darhol ingliz tilidan onlayn testda qatnashishga taklif etiladi (2 bosqich ingliz tili testi email orqali keladi va 72 soat ichida bajarilishi shart).

3-bosqich: So‘nggi bosqichda faqatgina yarim finalchilar ishtirok eta oladilar. 3-bosqich 2022 - yilning noyabr/dekabr oylarida boshlanadi va ishtirokchi bilan suhbat, 3 ta insho mavzulari, qo‘shimcha to‘liq ariza to‘ldirish va ingliz tili bo‘yicha chuqurlashtirilgan testni o‘z ichiga oladi.

Hujjat topshirish va arizani to‘ldirish uchun quyidagi havolaga kiring: ais.americancouncils.org

Dastur broshurasi: FLEX_2023_Program_Brochure.pdf

O‘zbekistondagi Amerika kengashlari sahifasi: American Councils for International Education Uzbekistan

FLEX dasturi haqida to‘liq ma’lumot: discoverflex.orgE-mail: flex.uz@americancouncils.orgTelegram: https://t.me/acuzflexFacebook: FLEX UzbekistanInstagram: flex_program_uzArizani to‘ldirish uchun 3 tilda qo‘llanma: https://t.me/acuzflex/93

Reklama huquqi asosida.