Американинг DART (Доубле Астероид Реdirectионс Тест) зонди Dimorfоз астероид парвоз траекториясини ўзгартириш бўйича эксперимент доирасида ушбу фазовий жисм билан тўқнашди. Ҳодиса АҚШ Аэронавтика ва космик маконни тадқиқ қилиш миллий бошқармаси (NASA) матбуот хизмати томонидан YouTube орқали трансляция қилинди, деб ёзади «РБК».
IMPACT SUCCESS! Watch from #DARTMIssion’s DRACO Camera, as the vending machine-sized spacecraft successfully collides with asteroid Dimorphos, which is the size of a football stadium and poses no threat to Earth. pic.twitter.com/7bXipPkjWD
— NASA (@NASA) September 26, 2022
Зонднинг астероид билан тўқнашуви Тошкент вақти билан 27 сентябрь куни 4:15 да юз берди.
«Вендинг аппарати (автоматик савдо қурилмаси) катталигидаги космик кема футбол майдони катталигидаги Dimorfос астероиди билан муваффақиятли равишда тўқнашди, астероид Ер учун хавф туғдирмайди», — дейилади NASA хабарида.
DART зонди датчиклар, антенналар, ионли двигателлар, иккита қуёш батареяси ва ДРАCО камераси (у орқали Ерга реал вақт режимида тасвирлар юборилади) билан жиҳозланган, 600 кг оғирликка эга куб шаклидаги қурилмадир. Зонднинг тезлиги соатига 21 160 километрга етади. У 2021 йил ноябрида SpaceX компаниясининг Falcon 9 элтувчи ракетасида учирилган эди.
Dimorfос астероиди Ерга яқин Дидимос астероид тизимида айланиб юради. Dimorfос Ер учун хавфли эмас, унинг диаметри 160 метрга тенг.
Ушбу миссия мақсади бориб урилувчи космик қурилма ёрдамида астероиднинг парвоз траекториясини ўзгартиришдан иборат эди. NASA аниқлик киритишича, бу Ерни ташқаридан бўладиган хавфлардан ҳимоя қилиш учун зарур. Мутахассислар ҳисоб-китобларига кўра, агар Dimorfоснинг 12 соатлик орбитасини 73 сонияга секинлатишга муваффақ бўлинса, бу тўқнашув муваффақиятли кечган деб ҳисобланилади.
Изоҳ (0)