Bugun,

  • USD 11014.01
  • RUB 191.8
  • EUR 10674.78

Ijtimoiy tarmoqlar foydalanuvchilari Rossiyadan Qozog‘istonga kirish punktlarida yuzaga kelgan tirbandliklar aks etgan videolar bilan bo‘lishmoqda, deb yozadi Tengrinews.

Foto: Tengrinews

Foto: Tengrinews

Xususan, bunday holatlar G‘arbiy Qozog‘iston  viloyatidagi Mashtakovo—Sirim chegardan o‘tish yo‘lida, Rossiyaning Ozinki qishlog‘i yaqinidagi shu viloyatga kiriladigan yana bir punktda, Troisk shahrida qayd etilgan.

Mashinalardan iborat bir necha kilometrlik navbatlar yuzaga kelgan va odamlar o‘n soatlab navbat kutmoqda. Ba’zilar esa chegarani piyoda kesib o‘tmoqda.

Foto: Tengrinews

Foto: Tengrinews

Qozog‘iston rasmiylari ushbu vaziyat yuzasidan izoh berganicha yo‘q.

Bundan tashqari, Rossiyaning Gruziya bilan chegarasida ham o‘z mamlakatini tark etish istagida bo‘lgan rossiyaliklarning avtomobillaridan iborat tiqilinch yuzaga kelgan. Ijtimoiy tarmoqlar foydalanuvchilari voqea joyidan olingan videolar bilan bo‘lishmoqda.

21-sentabr kuni Rossiya prezidenti Vladimir Putin Rossiyada qisman safarbarlik e’lon qilish haqidagi farmonni imzoladi. “Vatanimiz, yaxlitligimizni himoya qilish uchun qisman safarbarlikni qo‘llab-quvvatlash zarur, deb hisoblayman”, — dedi Rossiya rahbari.

Rossiya mudofaa vaziri Sergey Shoyguning aytishicha, qisman safarbarlik chog‘ida 300 ming zaxiradagi askar chaqiriladi. Uning so‘zlariga ko‘ra, bu Rossiya safarbarlik resursining taxminan 1 foizini tashkil qiladi.

Shundan keyin Rossiyada safarbarlik e’lon qilinishiga qarshi “Change.org” saytiga joylangan petitsiyani o‘n minglab odam imzoladi.

Safarbarlik e’lon qilinganidan keyin bir necha daqiqalar ichida Moskvadan Istanbulga, Tbilisiga va Yerevanga to‘g‘ridan to‘g‘ri reyslar uchun chiptalar to‘liq sotilib ketgan. Shuningdek, Moskvadan Toshkentga reyslar chiptalari ham qolmagan.

OAVlar eslatishicha, “Rossiya Federatsiyasida safarbarlikka tayyorgarlik ko‘rish va safarbarlik to‘g‘risida”gi qonunga muvofiq, harbiy hisobda turgan fuqarolar yashash joyidan harbiy komissariatlar ruxsatisiz chiqib ketishi taqiqlanadi.

Izoh
Asosiy yangiliklar
Mahalliy
O‘zbekistonda noqonuniy yer oldi-sotdisi bo‘yicha rekord yangilanmoqda
Mahalliy
Namanganda Cobalt traktor tirkamasiga borib urilishidan ikki kishi halok bo‘ldi
Mahalliy
Ozarbayjon aviakompaniyasi Bokudan Samarqandga to‘g‘ridan to‘g‘ri reyslarni yo‘lga qo‘yadi