Bugun,

  • USD 11014.01
  • RUB 191.8
  • EUR 10674.78

Rossiya prezident Vladimir Putin mamlakatda qisman safarbarlik e’lon qilgach, endilikda Davlat Dumasi apparatining “harbiy mahoratga ega” deputatlari va xodimlari Ukrainadagi urushda ko‘ngilli sifatida ishtirok etishi mumkin. Bu haqda Davlat Dumasi spikeri Vyacheslav Volodin quyi palataning yalpi majlisida gapirdi.

Foto: “Lenta.ru”

Foto: “Lenta.ru”

“Hech qanday imtiyoz (ya’ni armiyada xizmat qilmaslik huquqi — “Daryo” izohi) yo‘q — shundan kelib chiqib ish ko‘raylik”, —  dedi Volodin. Uning so‘zlariga ko‘ra, bir qancha deputatlar allaqachon jangovar harakatlar maydonida bo‘lib, ularda ko‘ngilli sifatida qatnashgan.

Volodinning so‘zlariga ko‘ra, Davlat Dumasi harbiy operatsiyada ishtirok etish istagida bo‘lgan hamda zaruriy harbiy ko‘nikmalarga ega deputatlarning qarorini qo‘llab-quvvatlaydi.

Rossiya Kommunistik partiyasi rahbari Gennadiy Zyuganov prezidentning safarbarlik talabini uzoq vaqt kutganini aytdi.Uning fikricha, hozir agar ta’minot va ijtimoiy kafolatlar berilsa, ko‘ngillilar yetarlicha to‘planadi. Shu bilan birga, u qishloq xo‘jaligida ishlaydiganlarni safarbarlikka jalb qilish zarur deb hisoblaydi.

Rossiya Liberal-demokratik partiyasi yetakchisi Leonid Slutskiy prezidentning qisman safarbarlik haqidagi qarorini “dono pozitsiya” deb atadi.

“Agar kollektiv G‘arb o‘z vaqtida fikrini o‘zgartirganida hech qanday safarbarlik bo‘lmasdi”, — dedi u va Rossiya “Ukrainani demilitarizatsiya va denasifikatsiyalash” shartlari bo‘yicha muzokaralarga tayyor ekanini, ammo Kiyev muzokaralardan bosh tortganini aytdi. Deputatning so‘zlariga ko‘ra, endi hech qanday muzokaralarga o‘rin yo‘q.

“Yagona Rossiya” fraksiyasi rahbari o‘rinbosari Dmitriy Vyatkinning nutqi noodatiy bo‘ldi. U frontga bormaslik haqida “qiyin qaror” qabul qilganini aytdi.

Vyatkinning aytishicha, “rossiyaliklarga hozirgi vaziyatning murakkabligini tushuntirish zarur”, shu sababdan u qolishga qaror qilgan.

Izoh
Asosiy yangiliklar
Mahalliy
“Andijonda sodir etilgan mudhish qotillik yuzasidan mahalla mas’ullari va hudud noziriga nisbatan xizmat tekshiri tayinlangan” — Bosh prokuratura
Mahalliy
O‘zbekiston internetda mualliflik huquqlarini himoya qilishga oid xalqaro bitimni tasdiqladi
Mahalliy
Ozarbayjon aviakompaniyasi Bokudan Samarqandga to‘g‘ridan to‘g‘ri reyslarni yo‘lga qo‘yadi