Bugungi kunda o‘zbek ishlab chiqaruvchilari tashqi savdo operatsiyalariga katta e’tibor qaratmoqda.
Zero, ishlab chiqarilgan mahsulotlarni xorijlik xaridorlarga sotish - yangi bozorlar va valyuta tushumlarining ko‘payishini bildiradi. Ammo chet el xaridorlari bilan ishlash bir qator xavf-xatarlarga to‘la bo‘lib, o‘zbek eksportyorlarining mamlakatdan tashqaridagi manfaatlarini himoya qiluvchi ishonchli kafolatlar olish zarurati tug‘iladi.
Masalan, tashish paytida jo‘natilgan tovar shikastlangan bo‘lishi mumkin, bu esa tovarni yetkazib bermaslikka va eksportchining moliyaviy zarar ko‘rishiga olib keladi.
“O‘zbekinvest” EISK” AJ kompaniyasida eksportyorlar yuklarining tashishda, jo‘natishda manfaatlarini to‘liq kafolat ila himoyasini taqdim etuvchi logistika tavakallchiligini sug‘urtalash mavjud bo‘lib, xususan, “O‘zbekinvest”ning eksportyor mijozi o‘zining logistika tavakallchiligini sug‘urtalash polisiga ega bo‘lgani va shuning uchun ham uning biznesi to‘liq saqlanib qolgani xaqidagi voqeani misol tariqasida keltirishimiz mumkin.
2021-yil oktyabr oyida “Hamkor” MCHJ vino mahsulotlarini yetkazib berish bo‘yicha eksport shartnomasini imzoladi. Shartnoma tuzilgandan so‘ng, “Hamkor” MCHJ ehtiyotkorlik siyosatini yurguzib, eksportni yetkazib berishda logistika xavflaridan sug‘urtalashga qaror qildi.
“Hamkor” MCHJ sug‘urta shartnomasini tuzdi va 64,68 ming AQSH dollari yoki 692,42 million so‘m ekvivalentidagi mahsulotni importyorga jo‘natdi. Sug‘urta mukofoti polis bo‘yicha 6,2 million so‘mni tashkil etdi va O‘zbekiston Investitsiyalar va tashqi savdo vazirligi huzuridagi Eksportni qo‘llab-quvvatlash agentligi tomonidan to‘liq qoplandi.
Yuk belgilangan manzilga yetib kelgach, yukni tashishda mahsulotning qadog‘idan tashqariga sizib chiqib ketganligi va uning sababi- sug‘urtalangan mahsulot yukini tushirish vaqtida shikastlanganligi aniqlangan, oqibatda 7,15 ming AQSH dollari yoki 76,53 million so‘mlik yuk yaroqsiz holatga kelgan.
“Hamkor” MCHJ tomonidan “O‘zbekinvest” kompaniyasiga yetkazilgan zarar miqdorida sug‘urta tovonini undirish uchun ariza berildi. Taqdim etilgan barcha hujjatlarni ko‘rib chiqib, kompaniya sug‘urta hodisasi yuz berganini aniqladi va eksportyorga yetkazilgan zarar uchun 76,53 million so‘m miqdorida tovon pulini to‘lab berdi.
Shunday qilib, “Hamkor” MCHJ o‘z yo‘qotishlarini 100 foiz qopladi va ishlab chiqarish hamda eksport faoliyatini odatdagidek davom ettirdi.
Reklama huquqi asosida.
Izoh (0)