Бугунги кунда ўзбек ишлаб чиқарувчилари ташқи савдо операцияларига катта эътибор қаратмоқда.
Зеро, ишлаб чиқарилган маҳсулотларни хорижлик харидорларга сотиш - янги бозорлар ва валюта тушумларининг кўпайишини билдиради. Аммо чет эл харидорлари билан ишлаш бир қатор хавф-хатарларга тўла бўлиб, ўзбек экспортёрларининг мамлакатдан ташқаридаги манфаатларини ҳимоя қилувчи ишончли кафолатлар олиш зарурати туғилади.
Масалан, ташиш пайтида жўнатилган товар шикастланган бўлиши мумкин, бу эса товарни етказиб бермасликка ва экспортчининг молиявий зарар кўришига олиб келади.
«Ўзбекинвест» ЭИСК» АЖ компаниясида экспортёрлар юкларининг ташишда, жўнатишда манфаатларини тўлиқ кафолат ила ҳимоясини тақдим этувчи логистика тавакаллчилигини суғурталаш мавжуд бўлиб, хусусан, «Ўзбекинвест»нинг экспортёр мижози ўзининг логистика тавакаллчилигини суғурталаш полисига эга бўлгани ва шунинг учун ҳам унинг бизнеси тўлиқ сақланиб қолгани хақидаги воқеани мисол тариқасида келтиришимиз мумкин.
2021 йил октябр ойида «Ҳамкор» МЧЖ вино маҳсулотларини етказиб бериш бўйича экспорт шартномасини имзолади. Шартнома тузилгандан сўнг, «Ҳамкор» МЧЖ эҳтиёткорлик сиёсатини юргузиб, экспортни етказиб беришда логистика хавфларидан суғурталашга қарор қилди.
«Ҳамкор» МЧЖ суғурта шартномасини тузди ва 64,68 минг АҚШ доллари ёки 692,42 миллион сўм эквивалентидаги маҳсулотни импортёрга жўнатди. Суғурта мукофоти полис бўйича 6,2 миллион сўмни ташкил этди ва Ўзбекистон Инвестициялар ва ташқи савдо вазирлиги ҳузуридаги Экспортни қўллаб-қувватлаш агентлиги томонидан тўлиқ қопланди.
Юк белгиланган манзилга етиб келгач, юкни ташишда маҳсулотнинг қадоғидан ташқарига сизиб чиқиб кетганлиги ва унинг сабаби- суғурталанган маҳсулот юкини тушириш вақтида шикастланганлиги аниқланган, оқибатда 7,15 минг АҚШ доллари ёки 76,53 миллион сўмлик юк яроқсиз ҳолатга келган.
«Ҳамкор» МЧЖ томонидан «Ўзбекинвест» компаниясига етказилган зарар миқдорида суғурта товонини ундириш учун ариза берилди. Тақдим этилган барча ҳужжатларни кўриб чиқиб, компания суғурта ҳодисаси юз берганини аниқлади ва экспортёрга етказилган зарар учун 76,53 миллион сўм миқдорида товон пулини тўлаб берди.
Шундай қилиб, «Ҳамкор» МЧЖ ўз йўқотишларини 100 фоиз қоплади ва ишлаб чиқариш ҳамда экспорт фаолиятини одатдагидек давом эттирди.
Реклама ҳуқуқи асосида.
Изоҳ (0)