APL klublari Angliya Kubogi va Liga Kubogi formatini o‘zgartirish masalasini muhokama qiladi, deya xabar qilmoqda Daily Mail.
Qayd etilishicha, klublar Angliya Kubogining uchinchi va to‘rtinchi raundidagi takroriy o‘yinlarni bekor qilishni istamoqda. Shuningdek, Yevrokuboklarda qatnashadigan jamoalarga Liga Kubogida ishtirok etish majburiy bo‘lmasligi yoki 21 yoshdan kichik futbolchilarni maydonga tushirishga ruxsat berilishini so‘ramoqchi.
Ushbu masala APL aksiyadorlarining 21-sentabr kungi majlisida muhokama qilinishi kutilmoqda. Liga bir nechta musobaqada qatnashadigan klublar uchun o‘yinlar soni qisqartirilishidan umidvor.
O‘zgarishlar tasdiqlangan taqdirda ham 2024/25-yilgi mavsumdan kuchga kirishi mumkin.
Izoh (0)