Mashhur tennischilar Rojer Federer va Rafael Nadal o‘rtasida ko‘rgazmali o‘yin bo‘lib o‘tishi mumkin.
Madridning “Real” klubi uy stadioni “Santyago Bernabeu”da ta’mirlash jarayonlari yakunlangach, tennis afsonalarini o‘rtasida bahs o‘tkazishni maqsad qilgan. Taxminiy muddat 2023-yilning yozi bo‘lishi aytilmoqda.
81 ming muxlisni o‘z bag‘riga sig‘dira oladigan, yangilanayotgan “Bernabeu”ning maydoni istalgan qoplamaga almasha oladi va turli marosimlarni o‘tkazish imkoniyatiga ega.
Qayd etish kerak, ispaniyalik Rafael Nadal “Real”ning muxlisi hisoblanadi.
Federer sentabr oyida faoliyatini yakunlashini ma’lum qildi. Uning ishtirokidagi so‘nggi musobaqa Londonda bo‘lib o‘tadigan ko‘rgazmali Leyver Kubogi turnir bo‘ladi.
Izoh (0)