Navoiy viloyatining Xatirchi tumandagi xonadonlarning birida ko‘mib yuborilgan odam skeleti topilgani haqida xabarlar tarqaldi. Viloyat prokuraturasi holat yuzasidan tergovga qadar tekshiruv olib borilayotganini bildirdi.
Aniqlanishicha, Xatirchi tumanida yashovchi fuqaro R.Z. 16-sentabr kuni yashash xonadoni hovlisida joylashgan ekin yerini kovlayotgan vaqtida odam suyagiga o‘xshash suyaklar chiqqanligini huquqni muhofaza qiluvchi organlarga ma’lum qilgan.
Mazkur holat yuzasidan Xatirchi tuman prokuraturasi tomonidan tergovga qadar tekshiruv harakatlari olib borilayotgan bo‘lib, ekspertiza tekshiruvi uchun tegishli namunalar olinib, sud-tibbiy hamda sud-tibbiy kriminalistik ekspertizalar tayinlangan.
Xabarda aytilishicha, tergovga qadar tekshirish natijasi bo‘yicha qonuniy qaror qabul qilinishi ta’minlanadi.
Izoh (0)