Qirg‘iziston va Tojikiston prezidentlari Sadir Japarov va Emomali Rahmon chegaradagi vaziyat yuzasidan yuzma-yuz muzokara o‘tkazdi.
Qayd etilishicha, ikki davlat rahbarlari tegishli tuzilmalarga o‘t ochishni to‘xtatish, qo‘shin va vositalarni to‘qnashuv chizig‘idan olib chiqish bo‘yicha ko‘rsatmalar berishga kelishib olgan.
Ikki davlat Milliy xavfsizlik davlat qo‘mitasi rahbarlari joyida ish olib boradi, hodisaning holatlari va sabablarini o‘rganish uchun komissiya tuziladi.
Davlat chegarasini delimitatsiya va demarkatsiya qilish bo‘yicha Qirg‘iziston va Tojikiston hukumatlararo komissiyasi ishini jadallashtirish bo‘yicha ham kelishuvga erishilgan.
Bundan tashqari, Qirg‘iziston va Tojikiston xavfsizlik idoralari rahbarlari mahalliy vaqt bilan 16:00 da o‘t ochishni to‘xtatishga kelishib olgan.
Izoh (0)