Shavkat Mirziyoyev SHHT sammiti doirasidagi ikkinchi uchrashuvini BMT bosh kotibining o‘rinbosari bilan o‘tkazmoqda

O‘zbekiston prezidenti Shavkat Mirziyoyev SHHT sammiti doirasidagi ikkinchi uchrashuvini bugun Samarqand shahriga kelgan BMT bosh kotibining o‘rinbosari Rozmari DiKarlo bilan o‘tkazmoqda. Bu haqda prezident matbuot xizmati xabar berdi.

Ma’lum qilinishicha, kun tartibidan mintaqaviy xavfsizlik va barqarorlikni ta’minlash masalasi o‘rin olgan.

Shuningdek, O‘zbekistonda Barqaror rivojlanish maqsadlariga erishish borasida BMT institutlari va tarkibiy tuzilmalari bilan samarali hamkorlikni kengaytirish masalalari ham kun tartibiga kiradi.

Eslatib o‘tamiz, BMT bosh kotibining o‘rinbosari Rozmari DiKarlo 15—16-sentabr kunlari Samarqand shahrida o‘tkaziladigan SHHT sammitida ishtirok etish uchun O‘zbekistonga tashrif buyurgan.