SHHT Samarqand sammiti kun tartibida iqlim o‘zgarishi masalasi muhokama qilinadi
Shanxay hamkorlik tashkiloti Samarqand sammiti kun tartibida iqlim o‘zgarishi masalasi muhokama qilinadi. Bu haqda O‘zbekiston Tashqi ishlar vazirligi rasmiy vakili Yusuf Qobuljonov ma’lum qildi.
Uning bildirishicha, Samarqand shahrida bo‘lib o‘tgan SHHTga a’zo davlatlar Milliy koordinatorlari kengashining yig‘ilishida “Iqlim o‘zgarishiga qarshi choralar ko‘rish to‘g‘risida”gi bayonot loyihasi muhokama qilinib, kelishib olindi.
“SHHT doirasida bu boradagi bayonot birinchi marta qabul qilinmoqda. Bu tashkilotning mintaqaviy va global iqlim muammolarini shakllantirish va amalga oshirishda faol ishtirokchi bo‘lish istagi va tayyorligini ko‘rsatadi. Xususan, hujjatda SHHTga a’zo davlatlarning ushbu sohadagi asosiy xalqaro-huquqiy mexanizmlari — BMTning iqlim o‘zgarishi bo‘yicha doiraviy konvensiyasi va Parij kelishuvi qoidalarini samarali amalga oshirish masalalariga umumiy yondashuvlari aks ettirilgan”, — dedi Yusuf Qobuljonov.
#SCO2022Samarkand
Mavzuga doir:
- “Bu sammitda Samarqand ruhi bor, dunyo doim bir butunlikda ko‘riladi” — Bahromjon Sotiboldiyev SHHT sammiti haqida (video)
- “SHHTning maqsadi yangi devorlar emas, yangi ko‘priklar qurish” — Sodiq Safoyev
- “SHHT sammiti faqat uchrashuv yoki muhokamalardan iborat bo‘lmaydi” — Sodiq Safoyev
