Birlashgan Millatlar Tashkilotining Inson huquqlari bo‘yicha Oliy komissari boshqarmasi ma’lumotlariga ko‘ra, Ukrainada harbiy harakatlar boshlangan 24-fevraldan 11-sentabrga qadar 5827 nafar tinch aholi halok bo‘lgan, 8421 nafari yaralangan.
Qurbonlarning 2270 nafari erkak, 1559 nafari ayollar, 153 nafari qizlar va 187 nafari o‘g‘il bolalardir. Shuningdek, halok bo‘lgan 35 nafar bola va 1623 nafar kattalarning jinsi hozircha noma’lum. Yaralanganlardan — 7 774 nafari kattalar, 647 nafari bolalar.
Jabrlanganlarning aksariyati Donetsk va Lugansk viloyatlari hududiga to‘g‘ri keladi — 8034 kishi, ulardan 3472 nafari halok bo‘lgan va 4562 nafari yaralangan. Ushbu viloyatlarning Kiyev nazoratidagi hududida 3124 kishi halok bo‘lgan, 3274 kishi yaralangan. Rossiya qo‘shinlari nazoratidagi hududda esa 348 nafar qurbon va 1288 nafar yarador bor.
7-sentabr holatiga ko‘ra, Yevropadagi ukrainalik qochqinlar soni 7,1 million kishidan oshadi.
Izoh (0)