Xarkovda majaqlangan elektr uzatish liniyalari. Belgorodda ukrainalik qochqinlar lageri. Urushning 201-kunidan fotoreportaj
Ukraina bosh vaziri Irina Vereshchuk ozod etilgan hududlarda bu yerga Rossiya dasturi bo‘yicha dars berish uchun kelgan rossiyalik o‘qituvchilar qo‘lga olingani, endi ular sud qilinishi va urush urf-odatlarini buzgani uchun 12 yilgacha qamalishi mumkinligini aytdi. Ijtimoiy tarmoqlarda Qrimdagi to‘ylardan birida mehmonlar “Chervona Kalina” qo‘shig‘ini kuylagani aks etgan video tarqalgach, yarimorol rahbari Sergey Aksenov “millatchilik madhiyalarni kuylaganlar”ga jinoiy ish ochish bilan tahdid qildi.
Belgorod viloyatida chegara punkti o‘qqa tutildi. Ukraina qo‘shinlari Rossiya armiyasi qoldirgan qishloqlarga kirishda davom etmoqda – Xarkov viloyatining Zaliznichnoye qishlog‘ida tinch aholi vakillaridan to‘rt kishining jasadi topilgan, ularda qiynoq izlari aniqlangan. Moskva va Sankt-Peterburgning 18 ta okrugidan munitsipal deputatlar Rossiya prezidenti Vladimir Putinning iste’fosini talab qilib, ommaviy bayonotni imzoladi.
Meduza urushning 201-kunidan asosiy kadrlar bilan bo‘lishdi.
Xarkovning o‘qqa tutilishi oqibatlari
Elektr uzatish liniyalari fonida ko‘tarilgan tutun. Rossiya armiyasi Xarkov viloyatidan chekinganidan so‘ng, Xarkov har kuni o‘qqa tutilmoqda. 12-sentabr, dushanba kuni shahar yana elektr va suvsiz qoldi.Foto: Anadolu
Elektr uzatish liniyasida singan ustun va uzilgan simlar. Rossiya muhim infratuzilma obyektlariga zarba berishda davom etmoqda.Foto: Reuters
O‘t o‘chiruvchilar Rossiya zarbasidan keyin politsiya binosida yuzaga kelgan yong‘inni o‘chirmoqda.Foto: AP Photo
Rossiyaning o‘qqa tutishlaridan keyin shahardagi ko‘chalardan birida yotgan jasad.Foto: Reuters
Mahalliy aholi vakillari Rossiya zarbasidan vayron bo‘lgan binodan butun qolgan buyumlarini olib chiqmoqda. Ukraina Bosh shtabi ma’lumotlariga ko‘ra, kun davomida rossiyalik harbiylar Ukraina hududidagi harbiy va fuqarolik obyektlari bo‘ylab ikkita raketa va 25 aviatsiya zarbasi yo‘llagan, baravar o‘t ochish reaktiv tizimidan 11 ta snaryad uchirilgan.Foto: AFP
Xarkov viloyatining Ukraina armiyasi tomonidan ozod qilingan hududlari
Ukrainalik harbiy snaryad tushib yakson bo‘lgan avtomobil fonida. Ukraina prezidenti Vladimir Zelenskiy sentabr oyi boshidan buyon ukrain armiyasi mamlakat sharqi va janubida 6 ming kvadrat kilometr hududni ozod qilganini ma’lum qildi.Foto: AP Photo
Ukrainaning o‘ziyurar artilleriya qurilmasi Xarkov viloyati yo‘lida.Foto: AP Photo
Ukrainalik askar yaqinda Ukraina armiyasi tomonidan ozod qilingan Xarkov viloyatidagi yo‘llardan birida yarador safdoshini yetaklab ketmoqda. Ularning oldida Ukraina harbiy texnikalari hamda yozuvi o‘chib ketgan sovet stelasini ko‘rish mumkin.Foto: AP Photo
Xarkov viloyati, Udi qishlog‘idagi turar joy binosi hovlisida rus askarlari tomonidan qoldirilgan mina.Foto: Ukraina Milliy politsiyasi matbuot xizmati
Izyum shahri chekkasidagi hovlida Rossiya armiyasi qoldirib ketgan zirhli transport vositasi.Foto: AFP
Ukrainalik harbiy rus harbiylar tashlab ketgan tankni ko‘zdan kechirmoqda.Foto: AFP
Rossiyaning Belgorod viloyatidagi qochqinlar
Belgorodda ukrainalik qochqinlar uchun tashkil etilgan vaqtinchalik yashash punkti. Xarkov viloyatidan kelgan 500 ga yaqin odam 45 ta chodirda yashamoqda.Foto: “TASS”
Keksa ayolga yordam berayotgan ko‘ngilli.Foto: “TASS”
Kramatorskka zarba oqibatlari
Rossiyaliklar zarbasidan keyin hosil bo‘lgan yirik o‘rani tomosha qilayotgan ayol, uning ortida yarim vayronaga aylangan uy. “Kramatorsk aviatsiya va raketalar bilan o‘qqa tutilmoqda, kechaning o‘zida oltita raketa uchib keldi”, — dedi 12-sentabr kuni shahar meri Aleksandr Goncharenko.Foto: AFP
Lampa ko‘targan ayol zarbalardan zarar ko‘rgan uyini ko‘zdan kechirmoqda.Foto: AFP
Izoh (0)