Бирлашган Миллатлар Ташкилотининг Инсон ҳуқуқлари бўйича Олий комиссари бошқармаси маълумотларига кўра, Украинада ҳарбий ҳаракатлар бошланган 24 февралдан 11 сентябрга қадар 5827 нафар тинч аҳоли ҳалок бўлган, 8421 нафари яраланган.
Қурбонларнинг 2270 нафари эркак, 1559 нафари аёллар, 153 нафари қизлар ва 187 нафари ўғил болалардир. Шунингдек, ҳалок бўлган 35 нафар бола ва 1623 нафар катталарнинг жинси ҳозирча номаълум. Яраланганлардан — 7 774 нафари катталар, 647 нафари болалар.
Жабрланганларнинг аксарияти Донецк ва Луганск вилоятлари ҳудудига тўғри келади — 8034 киши, улардан 3472 нафари ҳалок бўлган ва 4562 нафари яраланган. Ушбу вилоятларнинг Киев назоратидаги ҳудудида 3124 киши ҳалок бўлган, 3274 киши яраланган. Россия қўшинлари назоратидаги ҳудудда эса 348 нафар қурбон ва 1288 нафар ярадор бор.
7 сентябрь ҳолатига кўра, Европадаги украиналик қочқинлар сони 7,1 миллион кишидан ошади.
Изоҳ (0)