O‘zbekiston prezidenti Shavkat Mirziyoyev Buyuk Britaniya va Shimoliy Irlandiya birlashgan qirolligi qiroli Charlz III ga uning taxtga o‘tirgani munosabati bilan tabrik yo‘lladi.
Prezident matbuot kotibining xabar berishicha, maktubda O‘zbekiston va Buyuk Britaniya o‘rtasidagi o‘zaro ishonch va yuksak hurmat ruhidagi keng qamrovli sheriklik kelgusida ham izchil rivojlanishiga ishonch bildirilgan.
Davlati rahbari qirolga mustahkam sihat-salomatlik, uzoq umr, oilaviy baxt-saodat hamda g‘oyatda sharafli faoliyatida ulkan yutuqlar, do‘st Birlashgan qirollik xalqiga esa tinchlik-osoyishtalik, davomiy ravnaq tilagan.
Eslatib o‘tamiz, Buyuk Britaniya qirolichasi Yelizaveta II 8-sentabr kuni 96 yoshida vafot etgach, uning o‘g‘li, 73 yoshli shahzoda Charlz o‘z-o‘zidan qirolga aylandi va Charlz III nomini oldi.
Izoh (0)