Namanganda Equinox “Jiguli” bilan to‘qnashib, Lacetti va Nexia’ga ham borib urildi. Bu haqda viloyat YHXB matbuot xizmati xabar berdi.
Voqea 11-sentabr kuni soat 21:30 larda 4R-114 Kosonsoy—Namangan, 4R-117 To‘raqo‘rgon—Namangan—Chortoq avtomobil yo‘llari kesishmasida yuz bergan.
Kosonsoy yo‘nalishida harakatlanib kelayotgan Equinox haydovchisi To‘raqo‘rg‘on—Namangan yo‘nalishidan chiqayotgan “Jiguli” (Vaz-2106)ga urilib, so‘ng Namangan—Kosonsoy yo‘nalishidan kelayotgan Lacetti va Nexia’ga borib urilgan.
Qayd etilishicha, hodisa oqibatida avtomashinalar texnik shikastlangan, tan jarohati olganlar yo‘q. Hozirda hududga svetofor o‘rnatish masalasini hal etish bo‘yicha mas’ul idoralar bilan hamkorlikda ish olib borilmoqda.
Izoh (0)