Наманганда Equinox «Жигули» билан тўқнашиб, Lacetti ва Nexia’га ҳам бориб урилди. Бу ҳақда вилоят ЙҲХБ матбуот хизмати хабар берди.
Воқеа 11 сентябрь куни соат 21:30 ларда 4Р-114 Косонсой—Наманган, 4Р-117 Тўрақўргон—Наманган—Чортоқ автомобиль йўллари кесишмасида юз берган.
Косонсой йўналишида ҳаракатланиб келаётган Equinox ҳайдовчиси Тўрақўрғон—Наманган йўналишидан чиқаётган «Жигули» (Ваз-2106)га урилиб, сўнг Наманган—Косонсой йўналишидан келаётган Lacetti ва Nexia’га бориб урилган.
Қайд этилишича, ҳодиса оқибатида автомашиналар техник шикастланган, тан жароҳати олганлар йўқ. Ҳозирда ҳудудга светофор ўрнатиш масаласини ҳал этиш бўйича масъул идоралар билан ҳамкорликда иш олиб борилмоқда.
Изоҳ (0)