Bandlik va mehnat munosabatlari vazirligida bo‘lib o‘tgan matbuot anjumanida majburiy mehnatga qarshi kurashuvchi huquq faollaridan biri majburiy mehnatga barham berish ular uchun ham og‘ir kechganini tan oldi. Bu haqda tadbirda ishtirok etgan “Daryo” muxbiri xabar berdi.
Prezidentimiz tashabbusi bilan joylarda majburiy menatga qarshi kurashish boshlangan paytlar edi. Qoraqalpog‘iston Respulikasining chekka tumanlaridan birida bo‘lganimizda shu jarayonni o‘rganishga kirishganimizni bilganlar hatto ortimizdan ham tushishdi. Qayerga borsak, ortimizdan shubhali mashinalar ham yurdi”, — deydi huquq faoli.
Hatto biz terimchilar bilan gaplashmoqchi bo‘lsak, bizdan avvalroq kelib, ularga nima deyishlari kerakligigacha o‘rgatib ketishgan ekan. Biz bu haqda o‘sha paytning o‘zida vazirlikka ma’lumot berdik va shu kunning o‘zida bunga barham berildi. Majburiy mehnatga qarshi kurashish juda og‘ir kechgan. Quvonarlisi, bunga barham berildi. Biz shundan xursandmiz”, — deydi huquq faoli.
Avvalroq O‘zbekistonda paxta mavsumi paytida 178 nafar mansabdor majburiy mehnatga yo‘l qo‘ygani bois javobgarlikka tortilgani xabar berilgandi.
Izoh (1)
O'sha gap o'rgatilgan terimchilarni gapiga uchib "Bizda hammasi tinch deb" deb yuravering. Aslida esa hammasi hali avvalgidek! Bizda allaqachon byujet tashkilotlarini paxta terimiga jalb qilish boshlandi.( Navoiy viloyati Qiziltepa Ses xodimlari 13.09 sanadan paxta terimiga jalb etilyapti)