AQSH prezidenti Jo Bayden 2001-yil 11-sentabrdagi teraktlardan keyin joriy qilingan favqulodda holat rejimini yana bir yilga uzaytirdi, deb yozadi “RBK”.
“Terrorchilik xavfi saqlanib qolayotgani tufayli, mamlakatda favqulodda holat va ushbu holatga qarshi kurash uchun qabul qilingan vakolatlar 2022-yil 14-sentabrdan keyin amal qilishda davom etishi kerak”, —deyiladi Oq uy saytidagi xabarda.
Favqulodda holat rejimi haqidagi birinchi qaror AQSH hukumati tomonidan teraktlardan keyin uch kun o‘tib, 2001-yil 14-sentabrda qabul qilingandi.
2001-yil 11-sentabr kuni 19 terrorchidan iborat guruh AQSHda to‘rtta yo‘lovchi samolyotini egallab oldi. Ularning ikkitasi Nyu-Yorkdagi Jahon savdo markazining egizak binolariga borib urildi, yana bittasi Vashington yaqinida Pentagon binosi bilan to‘qnashdi, to‘rtinchisi esa yo‘lovchilar terrorchilarni zararsizlantirishga uringanidan keyin Pensilvaniyadagi Shanksvill shahri yaqiniga quladi.
Teraktlar uchun javobgarlikni “Al-Qoida” tashkiloti o‘z zimmasiga oldi. Teraktlar oqibatida 2,9 mingdan ziyod odam halok bo‘ldi.
Mavzuga doir:
- Fotogalereya: AQShda sodir etilgan 11-sentabr teraktlariga 20 yil to‘ldi
- “11-sentabr bolalari”: kimdir otasining so‘nggi soatlaridan hamon ta’qibda, boshqasi har yilgi motam marosimidan zada
- “11-sentabr bolalari”: kimdir otasining so‘nggi soatlaridan hamon ta’qibda, boshqasi har yilgi motam marosimidan zada
- Bayden 11-sentabr teraktlariga oid maxfiy hujjatlarni e’lon qilishni buyurdi
Izoh (0)