“Real” futbol klublari ichida birinchi, “Barselona” ikkinchi o‘rinda. Forbes dunyoning eng qimmat klublari reytingini e’lon qildi

“Real” dunyoning eng qimmat futbol klubi deb topildi.

Forbes jurnali dunyoning eng qimmat sport klublari ro‘yxatini e’lon qildi. Futbol klublari orasida birinchi o‘rinni madridliklar egalladi. Ularning qiymati 5,1 milliard dollarni tashkil etadi. Umumiy reytingda esa “Real” 13-pog‘onani band etdi.

Futbol klublari orasida ikkinchi o‘rinni “Barselona” (5 milliard dollar, umumiy reytingda esa 15-o‘rin) egalladi. Uchinchi o‘rin “Manchester Yunayted”ga (4,6 milliard dollar, umumiy reytinda 19-o‘rin) nasib etdi

Shuningdek, reytingga “Liverpul” (4,45 milliard dollar, 22-o‘rin), “Bavariya” (4,28 milliard, 23-o‘rin), “Manchester Siti” (4,25 milliard, 24-o‘rin), “PSJ” (3,2 milliard, 48-o‘rin) va “Chelsi” (3,1 milliard, 50-o‘rin) kabi jamoalar kiritilgan.

Forbes talqiniga ko‘ra dunyoning eng qimmat klubi NFL a’zosi “Dallas” hisoblanadi. Uning qiymati 8 milliard dollarga teng. Ikki va uchinchi o‘rinlarni ham Amerikacha futbol jamoalari — “Nyu-Inglend Petriots” (6,4 milliard) va “Los-Anjeles Rems” (6,2 milliard) egallagan.

To‘rtinchi o‘rindan “Yankis” (6 milliard) beysbol jamoasi va sakkizinchi o‘rindan “Golden Steyt” (5,6 milliard) basketbol klubi joy olgan.

To‘liq ro‘yxat bilan shu yerda tanishish mumkin.