“Manchester Yunayted” hozirda “Chelsi” bosh murabbiyiga aylangan Grem Potterga qiziqish bildirgan.
Bu o‘tgan mavsumda, “Manchester Yunayted” yangi murabbiy izlayotgan vaqtda sodir bo‘lgandi. Aprel oyida esa Erik ten Hag klub boshqaruviga keldi.
Potter ham “qizil iblislar” bosh murabbiyligiga asosiy da’vogarlar ro‘yxatidan joy olgan. Biroq rahbariyat Chempionlar Ligasida tajribasi yo‘qligi sabab uning nomzodidan voz kechgandi.
Eslatib o‘tamiz, 2021/22-yilgi mavsum yakunlariga ko‘ra mankunianliklar Chempionlar Ligasiga chiqa olmadi va Yevropa Ligasiga yo‘llanmani qo‘lga kiritdi.
Grem Potter “Chelsi”ni tark etgan Tomas Tuxelning o‘rnini egalladi.
Izoh (0)