“Atletiko” Antuan Grizmann bilan bog‘liq vaziyat borasida xotirjam.
Avvalroq madridliklar “Barselona”ga 40 million to‘lamaslik uchun atayin futbolchining 60-daqiqadan so‘ng maydonga tushirayotgani, shuning uchun kataloniyaliklar ularni sudga bermoqchiligi xabar qilingandi.
Biroq “matraschilar” vaziyatga xotirjam yondashmoqda. “Barselona” ularni sudga berishi qo‘rqitmayapti. “Atletiko” ushbu harakatlarni bosim o‘tkazishga urinish deb hisoblaydi.
“Atletiko”ning yuridik xizmati vaziyatni to‘liq nazorat ostiga olgan.
Grizmanning 60-daqiqadan so‘ng maydonga tushishi oddiy holat, uni boshqacha talqin qilib bo‘lmaydi deb hisoblashmoqda.
Grizmann “Atletiko Madrid”da ijara asosida to‘p surmoqda. Agarda futbolchi ikki mavsum davomida 50% o‘yinda kamida 45 daqiqa maydonda bo‘lsa, Madrid klubi fransiyalik futbolchini 40 million yevroga sotib olishi talab etiladi. Antuan joriy mavsum ketma-ket besh o‘yindan beri 60-daqiqadan so‘ng zaxiradan maydonga tushirilmoqda.
Izoh (0)