«Реал» футбол клублари ичида биринчи, «Барселона» иккинчи ўринда. Forbes дунёнинг энг қиммат клублари рейтингини эълон қилди

«Реал» дунёнинг энг қиммат футбол клуби деб топилди.

Forbes журнали дунёнинг энг қиммат спорт клублари рўйхатини эълон қилди. Футбол клублари орасида биринчи ўринни мадридликлар эгаллади. Уларнинг қиймати 5,1 миллиард долларни ташкил этади. Умумий рейтингда эса «Реал» 13-поғонани банд этди.

Футбол клублари орасида иккинчи ўринни «Барселона» (5 миллиард доллар, умумий рейтингда эса 15-ўрин) эгаллади. Учинчи ўрин «Манчестер Юнайтед»га (4,6 миллиард доллар, умумий рейтинда 19-ўрин) насиб этди

Шунингдек, рейтингга «Ливерпуль» (4,45 миллиард доллар, 22-ўрин), «Бавария» (4,28 миллиард, 23-ўрин), «Манчестер Сити» (4,25 миллиард, 24-ўрин), «ПСЖ» (3,2 миллиард, 48-ўрин) ва «Челси» (3,1 миллиард, 50-ўрин) каби жамоалар киритилган.

Forbes талқинига кўра дунёнинг энг қиммат клуби NFL аъзоси «Даллас» ҳисобланади. Унинг қиймати 8 миллиард долларга тенг. Икки ва учинчи ўринларни ҳам Америкача футбол жамоалари — «Ню-Ингленд Петриоц» (6,4 миллиард) ва «Лос-Анжелес Ремс» (6,2 миллиард) эгаллаган.

Тўртинчи ўриндан «Янкис» (6 миллиард) бейсбол жамоаси ва саккизинчи ўриндан «Golden Стейт» (5,6 миллиард) баскетбол клуби жой олган.

Тўлиқ рўйхат билан шу ерда танишиш мумкин.