O‘zbekiston Superligasining 18-turida “Paxtakor” va “Metallurg” o‘rtasidagi uchrashuvdan so‘ng (2:1) Bekobod klubi matbuot xizmati ijtimoiy tarmoqdagi sahifasida hakamlarni jiddiy tanqid ostiga oldi.
Burgutko‘z hakamlaringdan aylanay, O‘FA!Ma’lumot uchun, ushbu bahsni Firdavs Norsafarov boshchiligidagi hakamlar guruhi boshqarib bordi.Uchrashuvdan oldin OAV sahifalarida ko‘p ta’kidlangan 11 yillik qora an’anaga chek qo‘yilishi mumkin edi. “Metallurg” Toshkentda “Paxtakor”dan ochko olishga yaqin keldi. Ammo futbolchilardan rang bo‘yicha ham, harakat bo‘yicha ham ajralib turuvchi hakamlarning “sahnaga chiqishi” hammasini buzib qo‘ydi. “Metallurg” Toshkentda alamli mag‘lubiyatga uchradi.
56-daqiqada 56 yil muqaddam jahon chempionatining finalida yo‘q golni inobatga olgan hakam Tofiq Bahramov “tirilib qaytganday bo‘ldi” (Vo darig‘, o‘xshashlikni qarang!). “Paxtakor” futbolchisi o‘ng qanotdan ta’qibchisidan qochib, to‘pni jarima maydoniga uzatdi. Olis burchakda Fayzullayev to‘pga boshi bilan zarba berdi. Lobanov darvoza chizig‘i ustida turib qo‘llarini oldinga cho‘zgancha to‘pni qaytardi. Norsafarov vaziyat nima bilan tugashini kuzatib turgan bir paytda, e’tibor bering, Lobanov, “Paxtakor”ning qanotdan to‘pni uzatgan o‘yinchisi, uni ta’qib qilib kelgan “Metallurg” himoyachisi, jarima maydoni ichida yana ikki futbolchining orasidan qanot hakami “to‘pning chiziqni kesib o‘tganini ko‘rib turibdi-da”! Eeeeee, burgutko‘z hakamlaringdan aylanay O‘zbekiston, O‘FA, Futbol hakamlari markazi, devorging keladi! Qoyilmisan!!!
So‘nggi ikki uch o‘yindan buyon hakamlarni rosa tanqid qilgan Maksim Shaskixning nolalari “qayerlargadir yetib borganga” o‘xshaydi. Bunday hakamlik bilan jahon chempionatini orzu qilmang, degandi, Lobanovskiy maktabida tahsil ko‘rgan Maksim! Endi-chi, endiyam orzu qilmaylikmi, mundialni?!
Sobiq Ittifoq davrida O‘zbekiston sharafini himoya qilgan “Paxtakor”ga barcha ishqibozlik qilgan. Otamiz ham, tog‘amiz ham, jiyanimiz ham, qo‘shnimiz ham, o‘zbek ham, o‘ris ham! Xullas, hamma o‘zbekistonliklar! Shu boisdan ham mezbonlar rasmiy telegram kanali ta'kidlaganidek, “sigirning oppoq sutiday top toza gol”inglar muborak bo‘lsin, “otamning “Paxtakori!”
“Metallurg” matbuot xizmati
Izoh (0)