Ўзбекистон Суперлигасининг 18-турида «Пахтакор» ва «Meтaллург» ўртасидаги учрашувдан сўнг (2:1) Бекобод клуби матбуот хизмати ижтимоий тармоқдаги саҳифасида ҳакамларни жиддий танқид остига олди.
Бургуткўз ҳакамларингдан айланай, ЎФА!Маълумот учун, ушбу баҳсни Фирдавс Норсафаров бошчилигидаги ҳакамлар гуруҳи бошқариб борди.Учрашувдан олдин ОАВ саҳифаларида кўп таъкидланган 11 йиллик қора анъанага чек қўйилиши мумкин эди. «Meтaллург» Тошкентда «Пахтакор»дан очко олишга яқин келди. Аммо футболчилардан ранг бўйича ҳам, ҳаракат бўйича ҳам ажралиб турувчи ҳакамларнинг «саҳнага чиқиши» ҳаммасини бузиб қўйди. «Meтaллург» Тошкентда аламли мағлубиятга учради.
56-дақиқада 56 йил муқаддам жаҳон чемпионатининг финалида йўқ голни инобатга олган ҳакам Тофиқ Баҳрамов «тирилиб қайтгандай бўлди» (Во дариғ, ўхшашликни қаранг!). «Пахтакор» футболчиси ўнг қанотдан таъқибчисидан қочиб, тўпни жарима майдонига узатди. Олис бурчакда Файзуллаев тўпга боши билан зарба берди. Лобанов дарвоза чизиғи устида туриб қўлларини олдинга чўзганча тўпни қайтарди. Норсафаров вазият нима билан тугашини кузатиб турган бир пайтда, эътибор беринг, Лобанов, «Пахтакор»нинг қанотдан тўпни узатган ўйинчиси, уни таъқиб қилиб келган «Metaллург» ҳимоячиси, жарима майдони ичида яна икки футболчининг орасидан қанот ҳаками «тўпнинг чизиқни кесиб ўтганини кўриб турибди-да»! Эеееее, бургуткўз ҳакамларингдан айланай Ўзбекистон, ЎФА, Футбол ҳакамлари маркази, деворгинг келади! Қойилмисан!!!
Сўнгги икки уч ўйиндан буён ҳакамларни роса танқид қилган Максим Шаскихнинг нолалари «қаерларгадир етиб борганга» ўхшайди. Бундай ҳакамлик билан жаҳон чемпионатини орзу қилманг, деганди, Лобановский мактабида таҳсил кўрган Максим! Энди-чи, эндиям орзу қилмайликми, мундиални?!
Собиқ Иттифоқ даврида Ўзбекистон шарафини ҳимоя қилган «Пахтакор»га барча ишқибозлик қилган. Отамиз ҳам, тоғамиз ҳам, жиянимиз ҳам, қўшнимиз ҳам, ўзбек ҳам, ўрис ҳам! Хуллас, ҳамма ўзбекистонликлар! Шу боисдан ҳам мезбонлар расмий телеграм канали таъкидлаганидек, «сигирнинг оппоқ сутидай топ тоза гол»инглар муборак бўлсин, «отамнинг «Пахтакори!»
«Meтaллург» матбуот хизмати
Изоҳ (0)