Bugun,

  • USD 11095.31
  • RUB 173.84
  • EUR 10772.44

Xitoy va Hindistonning Rossiya neftiga bo‘lgan talabi G‘arb sanksiyalarining mamlakat iqtisodiyotiga salbiy ta’sirini kamaytirdi. Bu haqda Financial Times xabar berdi.

Foto: Bloomberg

Foto: Bloomberg

2022-yilning ikkinchi choragida bu davlatlar avvalgisidan 11 million tonna ko‘proq Rossiya neftini import qilgan.

Rossiyaning Hindiston va Xitoy bozorlaridagi eksportidan tushgan tushumi shu davrda 9 milliard dollarga oshdi. Eksportning eng katta o‘sishi Hindiston yo‘nalishida kuzatildi, ikkinchi chorakda mamlakatning importi 0,66 million tonnadan 8,42 million tonnagacha o‘sdi.

Bu davrda Xitoyga neft yetkazib berish hajmi ham oshdi. May oyida Xitoy kuniga taxminan 2 million barrel neft sotib oldi, bu 2022-yilning yanvar—fevraliga nisbatan 200—400 ming barrelga ko‘p.

Shu bilan birga, nashr ushbu davlatlarning bojxona statistikasiga tayanib, Rossiya nefti ularning bozorlariga sezilarli chegirma bilan kirib kelayotganini qayd etadi.

Ukrainada urush boshlangandan beri Xitoyga eksport qilinadigan Yaqin Sharq nefti bir tonna uchun 700 dollardan 800 dollargacha qimmatlashdi, may oyida esa Rossiya Xitoyga xomashyoni eski narxlarda yetkazib berishni boshladi.

Shu bilan birga, AQSH Xalqaro Moliya Instituti hisob-kitoblariga ko‘ra, Rossiyaning neft va gaz kompaniyalari Hindiston va Xitoy bilan savdodan sezilarli foyda olishga muvaffaq bo‘ldi.

Izoh
Asosiy yangiliklar
Mahalliy
Oʻzbekiston energetikasi: ortayotgan talab, taqchillik va koʻrilayotgan choralar haqida
Dunyo
Qirg‘izistonda 9 kishida “Seftriakson”ga allergik reaksiya kuzatildi, bir kishi vafot etdi
Mahalliy
Besh yilda 218 mingdan koʻproq xonadon. Oʻzbekistonda uy-joy muammosi qanday hal etilmoqda?