Sharq malikalari: Xande Erchel, Fahriye Evjen hamda boshqa eng mashhur turk aktrisalarining hashamatli uylari (foto)

Turk seriallari yulduzlari shaxsiy hayotlarining tafsilotlarini oshkor qilishni yoqtirmaydi, lekin muxlislardan hech narsani yashirib bo‘lmaydi. Marie Claire nashri mashhur turk aktrisalarining hashamatli uylari haqidagi ma’lumotlar bilan bo‘lishdi.

Xande Erchelning villasi

Go‘zal aktrisalardan biri Xande Erchel “Eshigimni qoq” serialidagi Eda Yildiz roli bilan butun dunyoga tanildi. Aktrisa muvaffaqiyatli karyerasi tufayli Istanbulning elit hududidagi ikki qavatli villa uchun pul ishlashga muvaffaq bo‘ldi. Uning qiymati 10 million turk lirasiga (1 million dollardan ortiq) baholanmoqda. Aktrisa o‘zining hashamatli uyining dizaynini mustaqil ravishda ishlab chiqdi va dizaynerlarning ishini shaxsan nazorat qildi. Uy oldidagi keng yashil maydonda Xande ko‘pincha oilasi bilan vaqt o‘tkazadi.

Erchelning saroyida juda ko‘p panoramali derazalar mavjud, ular tufayli uy doimo yorug‘ ko‘rinishga ega. Ushbu xususiyat tufayli villaga shisha ta’rifi beriladi. Ichki makonning rangi sokin, yengil soyalar ustunlik qiladi. Minimalizm uy dizaynining asosidir. Uning fikriga ko‘ra, har bir mebel bir-birini to‘ldirishi kerak va barcha e’tiborni o‘ziga qaratmasligi kerak. Ayrim kartinalarning ba’zilari uy bekasi tomonidan chizilgan. Aktrisa yorqin detallarga ham e’tibor beradi — masalan, uning villasida g‘alati shakl va g‘ayrioddiy ranglardagi antiqa mebellar mavjud.

Demet O‘zdemir saroyi

“Erkin qush” seriali yulduzi Demet O‘zdemir 2020-yilda Istanbul tumanlarining biridan o‘ziga hashamatli villa sotib oldi. Demet ko‘chmas mulkni sotib olish haqidagi xushxabarni muxlislar bilan o‘rtoqlashdi va bu xariddan juda xursand ekanligini ma’lum qildi. Mashhur aktrisaning so‘zlariga ko‘ra, bog‘ uning vaqtini yolg‘izlikda o‘tkazadigan va o‘z xayoliga sho‘ng‘ib ketadigan eng sevimli joyidir.

Uyni va uning oldidagi katta yashil maydonni jihozlash uchun aktrisaga ko‘pchilik yordam berdi. Ko‘pgina taniqli brendlar Demetga o‘z blogida reklama qilish uchun o‘zaro manfaatli hamkorlikni taklif qildi. Yulduzning turar joy narxi 4 million lira (220 ming dollar)ni tashkil qiladi.

Maryam Uzerlining Berlindagi kvartirasi

“Muhtasham yuz yil” serialidagi roli bilan tanilgan Maryam Uzerlining millati turk hamda nemis. Aktrisa Germaniyada yashaydi. Uning shinamgina kvartirasi Berlin markazida ko‘p qavatli binoda joylashgan.

Aktrisaning ijtimoiy tarmoqlaridagi suratlariga qaraganda, yulduzning oshxonasi yashash xonasi va o‘yin xonasi bilan birlashtirilgan. Maryam san’at asarlari va g‘ayrioddiy interyer detallarini to‘plashni yaxshi ko‘radi. Aktrisa va uning kichkina qizi eng ko‘p vaqt o‘tkazadigan uydagi asosiy joy — bu xonaning divan joylashgan markazi. Bu yerda ular birgalikda multfilm tomosha qilishni yoki ertak o‘qishni yaxshi ko‘radi. Bundan tashqari, aktrisa ko‘pincha qulay balkonda bir chashka qahva bilan vaqt o‘tkazadi.

Ebru Shahinning ijaraga olingan uyi

“Beqaror” seriali bilan tanilgan Ebru Shahin yaqinda basketbolchi Jedi Osmanga turmushga chiqdi. Undan oldin AQSHda yashagan sportchi rafiqasi uchun Turkiyaga ko‘chib o‘tishga qaror qilgan.

Ma’lumotlarga ko‘ra, Shahin va Usmon Istanbulda uy ijaraga olgan. Hashamatli uyning derazalaridan dengizning ajoyib manzarasi ko‘rinib turadi. Suadiye hududidagi hashamatli uy uchun juftlik oyiga 80 ming lira (4400 dollar) to‘laydi. Ammo yulduzli juftlik mashhurligi tufayli 20 foiz chegirma olishga muvaffaq bo‘ldi, aslida boshlang‘ich ijara narxi 100 000 turk lirasi bo‘lishi kerak edi.

Fahriye Evjenning 4 qavatli koshonasi

Bir necha yillardan beri aktrisa turmush o‘rtog‘i, taniqli turk aktyori Burak O‘zchivit va o‘g‘li Karan bilan Istanbulning Beykoz tumanidagi qasrda istiqomat qiladi. Er-xotin o‘zlarining shaxsiy makonlarini begona ko‘zlardan ehtiyotkorlik bilan himoya qiladi, shuning uchun ularning hashamatli uylarining suratlari ko‘p emas.

Katta yashil hudud va basseynga ega to‘rt qavatli uy har qanday yosh oilaning haqiqiy orzusidir. Ochiq manbalarga ko‘ra, turk seriali yulduzlari hashamatli uyni oyiga 15 ming lira (850 dollar) ga ijaraga olgan. Binoning o‘zi yog‘och va marmardan qilingan. Uyning ichida hamma narsa yengil ranglarga bo‘yalgan. Qolaversa, ular dizaynerlar xizmatiga murojaat qilmasdan, mebelni o‘zlari tanladi.