Gollivud aktyori o‘zining Make It Right Foundation jamg‘armasiga million dollarlik sud da’vosi qo‘zg‘atilganida ham adolat va halollik yo‘lidan bordi. Gap shundaki, 2007-yilda Bred Pitt “Katrin” to‘foni tufayli uylari vayron bo‘lgan odamlarga yordam berish majburiyatini olgan edi. Bredning tashkiloti avangard uslubida 150 ta kottej qurib, ularning har birini qurbonlarga 150 000 dollardan taklif qildi. Biroq yaxshi niyatda boshlangan ish kutilganidek yakun topmadi, deb xabar beradi “Harper’s Bazaar.kz”.
Ma’lum bo‘lishicha, oradan o‘n yil o‘tgach, yangi uylarning aholisi binolar tezda yaroqsiz holga kelganidan shikoyat qila boshlagan: eshiklar qiyshaygan, devorlar mog‘or bilan bosgan, konditsioner tizimi butunlay ishdan chiqqan. Uylari ayanchli ahvolga tushgan odamlar tovon puli talab qila boshladi.
Jamg‘arma, o‘z navbatida, materiallar yetkazib beruvchilarni ayblab, Luiziana iqlimiga mos kelmaydigan yog‘och ishlab chiqaruvchilarni sudga berdi. Bunday qo‘pol nazoratni amalga oshirgan bosh arxitektor va sobiq ijrochi direktor nomiga ham da’vo arizalari kiritildi.
Bred Pitt sud jarayonini yillar davomida cho‘zilishini istamadi va muammoni tinch yo‘l bilan hal qilishga rozi bo‘ldi. Uning jamg‘armasi 107 nafar kottej egasiga 25 000 dollardan to‘lashga qaror qildi. Sarflangan mablag‘ning qolgan qismi esa boshqa barcha muammolarni bartaraf etishga sarflanadi.
Mavzuga doir:
Izoh (0)