Россияда қийин аҳволда қолган аёл икки нафар фарзанди билан Ўзбекистонга қайтарилди. Бу ҳақда Ташқи меҳнат миграцияси агентлиги хабар бермоқда.
Маълум қилинишича, К.Н. 2021 йилда Россияга вақтинчалик меҳнат фаолиятини амалга ошириш учун борган. 2022 йилда оғир касалликка чалиниб, меҳнатга лаёқатсиз бўлиб қолган.
Ташқи меҳнат миграцияси агентлигининг Тула шаҳридаги вакиллиги саъй-ҳаракатлари ва Хорижда меҳнат фаолиятини амалга оширувчи фуқароларни қўллаб-қувватлаш ҳамда уларнинг ҳуқуқ ва манфаатларини ҳимоя қилиш жамғармаси маблағлари ҳисобидан шифохонада жарроҳлик амалиётини ўтказган.
Шунингдек, Москва—Термиз йўналишидаги авиарейс орқали икки нафар фарзанди билан Ўзбекистонга қайтарилган.
Бундан аввал Санкт-Петербургда оғир касалликка чалинган Ўзбекистон фуқароси оиласи билан ватанга қайтарилгани ҳақида хабар берилганди.
Изоҳ (0)