Surxondaryo viloyatining Jarqo‘rg‘on tumanidagi shifoxonada 20 nafar bemor kuydirgi kasalligidan davolanayotgani rad etildi.
“Daryo”ning ismi sir qolishini so‘ragan mushtariylaridan biri Surxondaryo viloyatining Jarqo‘rg‘on tumanidagi shifoxonaga 20 nafar bemor kuydirgi kasalligida gumonlanib, yotiqizilganini ma’lum qildi.
“Daryo” mazkur axborotga aniqlik kiritish maqsadida viloyat Sog‘liqni saqlash boshqarmasi boshlig‘i Komil Abduvohidov bilan bog‘landi.
2022-yil 3-sentabr kuni Jarqo‘rg‘on tuman tibbiyot birlashmasiga qarashli yuqumli kasalliklar shifoxonasiga tumanning “Mehnatobod” mahallasida yashovchi to‘rt nafar fuqaro kuydirgi kasalligining teri formasiga gumon qilinib, shifoxonaga yotqizilgan.Surxondaryo viloyati bosh shifokori bemorlar 20 nafar ekanini rad etib, analiz natijalari bo‘yicha qo‘shimcha ma’lumot berilishini bildirdi.Yotib davolanayotgan bemorlardan kuydirgi kasalligini aniqlash maqsadida surtma analizlar olinib, viloyat SEO va JSBning UXYUK laboratoriyasiga tekshiruv va tashxislash uchun yuborilgan. Kuydirgi kasalligiga analizlar 10 kunlik muddat bilan tekshirilishi sababli analizlar bugungi kunda tekshiruv jarayonida ekanini ma’lum qilamiz, — deydi Komil Abduvohidov.
Izoh (0)